हिलिङ नेपाल एक गैर-नाफामूलक, नागरिक-केन्द्रित संस्था हो जसले नेपालको सामाजिक, आर्थिक र राजनीतिक स्वास्थ्यलाई मजबुत बनाउने लक्ष्य राखेको। हामीले देशमा व्याप्त समस्याहरूलाई सम्बोधन गर्दै एक स्वच्छ, न्यायपूर्ण र समृद्ध समाज निर्माणमा योगदान दिने भरमग्दुर प्रयाश गर्ने छौं। वर्षौंदेखि जकडिएर बसेका भ्रष्टाचार, दण्डहीनता र अधिकार उल्लङ्घनका जरा उखेल्न हामी प्रतिबद्ध छौं। यो संस्था नागरिकहरूको सक्रिय सहभागितामा आधारित छ, जसले सत्ता र बजारमा पारदर्शिता ल्याउने प्रयास गर्नेछ। हाम्रो स्थापना नेपालको वर्तमान चुनौतीहरूलाई सामना गर्न र भविष्यका पुस्तालाई राम्रो देश हस्तान्तरण गर्नका लागि भएको हो। हाम्रो मुख्य उद्देश्य नेपालमा प्रणालीगत भ्रष्टाचारका घटनाहरूलाई तथ्य र प्रमाणलाई बाहिर ल्याई दण्डहिनताको अवस्था हुन नदीने प्रयाश गर्नु हो। विशेष गरी सार्वजनिक खरिद प्रक्रियामा हुने अनियमितताहरूको खुलासा गर्दै दण्डहीनताको अवस्थामा सुधार ल्याउन हामी क्रियाशील हुनेछौं। भ्रष्टाचारले देशको विकासलाई बाधा पुर्‍याइरहेको छ, जसले गर्दा जनताको जीवनस्तर प्रभावित भएको छ। हामीले विभिन्न अध्ययन र अनुसन्धानबाट प्राप्त तथ्यहरूलाई आधार बनाएर नीति-निर्माताहरूलाई दबाब दिनेछौ। यसका लागि हामीले राष्ट्रिय तथा अन्तर्राष्ट्रिय साझेदारहरूसँग सहकार्य गर्नेछौं। त्यसैगरी, हामी नागरिकहरूको स्वतन्त्रता, उपभोक्ता अधिकार, मानव अधिकार र मौलिक हकहरूको पैरवी समेत गर्नेछौ। नेपालको संविधानले प्रदान गरेका अधिकारहरूको संरक्षण र कार्यान्वयनमा जोड दिँदै हामी बहस, प्रशिक्षण र जागरण कार्यक्रमहरू सञ्चालन गर्छौं। उपभोक्ताहरूलाई धोका दिने बजारको अभ्यासहरूविरुद्ध आवाज उठाउँदै न्यायपूर्ण बजार व्यवस्था कायम गर्न हामी प्रयासरत छौं। मानव अधिकार उल्लङ्घनका घटनाहरूमा शोध र खोज अनुसन्धान गर्दै हामी पीडितहरूलाई सहयोग प्रदान गर्छौं। यी विषयहरूमा राष्ट्रिय र अन्तर्राष्ट्रिय संघ-संस्थाहरूसँगको सहकार्यले हाम्रा प्रयासहरूलाई थप प्रभावकारी बनाएको छ। हिलिङ नेपाल एक नागरिक पहरेदारको रूपमा क्रियाशील छ, जसले देश र जनताको स्वास्थ्यमा मलम-पट्टी लगाउने काम गर्दछ। वर्षौंदेखि जकडिएर बसेका समस्याहरू जस्तै भ्रष्टाचार, अधिकार हनन र सामाजिक विशङ्गती बिरूद्द सम्बोधन गर्दै हामी सत्तामा इमानदारी, बजारमा न्याय र सभ्य नागरिक भएको सशक्त नेपाल निर्माणमा निरन्तर लागि पर्नेछौं। हाम्रा गतिविधिहरूमा शोध, अनुसन्धान, बहस, पैरवी, प्रशिक्षण र सहकार्य समावेश हुनेछन्। हामीले विभिन्न परियोजनाहरूमार्फत स्थानीय समुदायहरूसँग जोडिएर काम गर्ने छौं, र हजारौं प्रभावित ब्यक्ति समक्ष पुग्ने प्रयाश गर्ने छौं। राष्ट्र र जनप्रेमी भावनाले एकजुट भएर मात्र नेपाल देशलाई फेरी तङ्ग्रयाउन सकिन्छ भन्नेमा हाम्रो विश्वास अटल छ। यसका लागि हामी सबै नागरिकहरूलाई सहभागी हुन आह्वान गर्छौं। हिलिङ नेपालको यात्रा निरन्तर छ, र हामीले देखेको सपनाको स्वस्थ नेपाल निर्माणमा तपाईंको साथ अपरिहार्य छ। हामीसँग जोडिनुहोस्, परिवर्तनको हिस्सा बन्नुहोस्।

भ्रष्टाचार र अनियमितताको उन्मूलन

नागरिक सर्वोच्चताको प्रवर्द्धन

सामाजिक बिसंगति र बिकृतिको नियन्त्रण

उपभोक्ता अधिकारको संरक्षण

सामुदायिक सशक्तीकरण

सूचनाको हकको प्रवर्द्धन

न्याय र समानताको प्रवर्द्धन

सुशासन र जवाफदेहिताको प्रवर्द्धन

हाम्रो बारेमा थप जान्नुहोस